- коменданттық-жол қызметі
- (Дорожно-комендантская служба)
әскери-көлік жолдарында әскери қозғалысқа үздіксіз басшылық жасалуын қамтамасыз ету, оларда тәртіптің сақталуы, жол ережелерінің сақталуын бақылау және бүркеніш жасау шараларын жүзеге асыру мақсатында ұйымдастырылатын қызмет түрі. Әскери-көлік жолдарында коменданттық-жол қызметін ұйымдастыруда жол бөлімшелері қойылады. К-ж.қ. жол әскерлерінің, коменданттық жол бөлімшелерінің күштері мен құралдары негізінде жүзеге асады. К-ж.қ-нің негізгі міндеттері: қозғалысқа реттеушілік бақылау жасау және оны реттеу; әскери-көлік жолдарын және ондағы объектілерді қорғау, күзету; бұған қатысты жеке құрам мен техникаға көмек көрсету; жолдардағы әскери-көліктің жағдайы туралы қозғалыс басқармасы органдарын, соған қатыстыларды уақытында хабардар етіп отыру. К-ж.қ-н жүзеге асыру үшін реттеу пункттері, реттеу постары, қызмет көрсету пункттері, азық-түлік, жанармай, техникалық және медициналық көмек, демалыс, жылыну пункттері ұйымдастырылады.
Казахский толковый терминологический словарь по военному делу. — Мектеп.